Irakurtzen ikasteko faseak

Gaur egungo gizartean irakurtzea oinarrizko trebetasun bat da, txikitatik ikasitakoa eta guztiz barneratuta dagoena. Gure inguruan zaila da topatzea irakurtzen eta idazten ez dakien pertsona batekin. Nik nire amona ezagutu nuen, eta benetan berezia zela nola moldatzen zen, agendan telefonoak bilatzeko (koloreka, edo X bat eginda, edo zuzenean buruz ikastea) edo supermerkatura joaten zenean, beste kode bat zeukan markak desberdintzeko.
Nicaraguan egon ondoren honetaz hausnarketa sakonago egin ahal izango dut, eta irakurtzen ikasteko metodoari buruz kontatuko dizuet.
Orain dela urte asko ikasi genuela irakurtzen baina ez da zaila gogoratzea erabilitako metodoa: silabikoa zena: lehenengoz letrak, gero silabak, hitzak, esaldiak...
Gaur egun konstruktibismoa indarrean dagoenez eta "hizkuntz trebetasunen didaktika" ikasgaian ikasi dugunez, beste era batean ikasten dute umeek gaur egun. Hiru fasetatik pasatzen dituzte:
- Fase logografikoa: Fase hau mundu idatziaz interea erakusten duenean hasten da. Letrak ezagutu gabe, irakurtzearen ekintza imitatzen du, hitzak asmatuz. Hitz batzuk ezagutzen ditu baina holograma bat bezala, bere osotasunean, adibidez, bere izena. Informazioa bilatzeko testuinguraz baliatzen da edo galdetzen du.
- Fase alfabetikoa: Kontzientzia fonologikoa garatzen du eta badaki fonema bananduak elkartu ahal dituela esanahiak osatzeko... Fase honetan grafiaz grafia irakurtzea lortuko du. Irakurtzeko gai izango da baina laguntza beharko du askotan, oraindik grafia nahastuko duelako: b,p,q...
Inportanteena dekodifikatzea izango da, ez esanahia aurkitzea.
- Fase ortografikoa: Irakurketa testua ulertzea izango da eta era guztietako testuak irakurriko ditu.
Honi buruz ikasketa eta argitalpen asko daude.