Harrerak

kaixo!
Irakurtzea eta idaztea gustatzen zaidanez espazio hau sortu dut, honen inguruan pentsatzen dudana idazteko eta hausnartzeko. Aldi berean aurkitzen dudan informazio interesgarriarekin osatuko dut.
Blog honen gaia oso orokorra da: Hitzen mundua eta liburuak. Nik egin nahi izan dudana da irakurtzen eta idazten gustatzen zaien pertsonei txoko bat sortu.
Nire asmoa irakurketari buruz informazio desberdina biltzea da: nola ikasten dugun irakurtzen, nola motibatu umeei irakurtzea gustokoa izan dezaten, irakurtzeko liburuen proposamenak, gai honen inguruan esandakoak, elkarrizketak, artikuluak...
Beste alde batetik, idaztea gustatzen zaion jendeari, idazteko proposamenak, idazteko tailerrak, ipuinen lehiaketak, web guneak...
Era labur batean esanda, blog honen helburuak izango lirateke irakurketa eta idazketaren prozesua zein den txikitatik eta hemendik aurrera zelan bultzatu eta gai hauetan interesatuta daudenentzat bestelako informazioa eskeintzea.

Topatu ahal izango dituzun gaien artean:
- Irakurketaren garrantzia.
- Irakurketa bultzatzeko dauden proiektuak eta teknikak.
- Adin desberdinetarako proposatutako liburuak.
- Idazteko proposamenak.
- Idaztea gustoko duten pertsonentzako web guneak

Espero dut zuen gustokoa izatea eta disfrutatzea!